愛情故事 (譚詠麟專輯)

詩人話：「緣份係一種無法解釋嘅嘢嚟嘅。」我一直都唔係太相信。

直到今日，我帶住極度失意嘅腳步，嚟到呢個街角，好偶然咁遇上你，先至親身體會到，

緣份已經將我哋兩個人拉近。

從前我嘅生命係無色彩嘅，但係遇上你之後，令我感覺到自己有夢想同未來，

甚至乎情不自禁咁，讚歎生命係幾咁精彩嘅，完全係因為你。

聽住呢啲海浪拍岸嘅聲音，就好似聽到我自己心跳聲咁，甚至乎連呼吸都加速嘅。

其實每一次咁近咁望住你，都會令我忍唔住嘅。

經過咗嗰一晚之後，你喺我生命入面嘅重要性，就好似人生嘅渡航燈咁，冇咗你，我真係會迷失方向！

但係喺感情嘅道路上，會唔會咁一帆風順呢？

（叮叮......）我抑壓住自己傷感嘅腳步，慢慢走近呢間教堂，

心情同初次邂逅你一樣，心跳加速，

唔同嘅係，今次會係一次最後嘅告別，

望住你穿戴住婚紗嘅背影，

我卻忍住嘅淚水，已經喺眼裏面徘徊，

係傷心、妒忌、抑或嘆息？

連我自己都答唔出。

今日係你嘅婚禮，但係亦都係我情感嘅葬禮。

（承接《月下戀人》）

有時愈想忘記，就愈會記起，

離開咗你嘅身邊，但離唔開對你嘅思念。

有人話呢啲係情痴，

但係亦有人話係生命嘅折磨，

就只有由得一份破碎嘅思念，

一生一世，緊隨自己。